Accueil

[ÒC] Letra de ligason N° 2

Soumis par anemoc le sam, 14/01/2012 - 18:08

Letra de ligason n°2 – Genier de 2012
...Dins gaire, s’anam totei retrobar a Tolosa per provar que plegarem pas e que nòstra volontat d’obtenir una
lèi per la lenga occitana es totjorn mai que fòrta...
Lo temps passa lèu, e es vengut uei lo moment de refortir la mobilizacion e d’intensificar leis accions per faire
conóisser la manifestacion dau 31 de març de 2012, a Tolosa... e apetegar lo monde per que l’i vengue a
molons.
Es temps de re-activar lei comitats locaus que siguèron tant dinamics lei còps passats !
Per ajudar aquelei que trantalhan a çò que poirián faire, trobaretz en pèça joncha (« Que pòt faire un comitat
locau ? ») quauqueis idèias d’accions d’entraïnar segon vòstrei possibilitats e en foncion de la situacion
locala.
Vos ramentam que leis afichas ((0,15€ l’una), son de comandar pròchi Gemma Cuní, nòstra permanenta a
Tolosa : 2012@manifestarperloccitan.com / 05 34 44 97 11
e que ne’n podètz descargar lo visuau sus lo site : anemoc.org.
Es liura de drech tant qu’es utilizada per faire la promocion de la Manifestacion.
● Sus lo site, podètz tanben descargar :
- lo dorsier de premsa (d’adaptar eventualament a la situacion locala...) per lei conferéncias de
premsa, lei comunicats, etc ;
- la Crida 2012.
● Lei promiereis informacions practicas sus la manifestacion :
- L’itinerari : Lo cortègi partirà de la plaça de l’Euròpa / bd Lascrosses / bd de Strasbourg / bd d’Arcole /
           bd Carnot / Monuments aux morts / bd de Metz / carriera Alsàcia-Lorena / plaça dau Capitòli.
- Lei bus laissaràn lo monde a la Plaça de l’Euròpa e s’anaràn ramblar au Parking sud dau Zenith.
         De vèspre (vèrs 18h), tornaràn prendre son monde sigue ais Alèias J Jaurès sigue au bd de
             Strasbourg.
http ://www.viamichelin.fr/web/Cartes?layers=0001&strLocid=34MTE1a3pyYTQwMDQyZzJ0MTA1M3FrZWJjTkRNdU5qRXdOVEU9Y0
1TNDBNekF4T1E9PWNORE11TmpFd09EUT1jTVM0ME16RXlNUT09Y05ETXVOakV3T0RRPWNNUzQwTXpFeU1RPT0waFBsYWNlIGRlI
GwnRXVyb3Bl
- Lo Vilatge occitan :
 ■ Installacion deis estands a comptar de 8h, lo dissabte de matin.
 ■ Dubèrtura au public a 10h30.
 ■ Barradura a 15h.
 ■ Avisatz-vos que se tornarà pas au vilatge après la manifestacion.
 ■ Inscripcions : Veire lei pèças jonchas per aquelei que se vòlon marcar per tenir un estand.
- La Serada : se debanarà sus la plaça dau Capitòli.
 ■ Es Convergéncia Occitana que s’encarga de son organizacion.
        Convergéncia Occitana : 05 61 22 13 31 / acuelh@ostaldoccitania.net
 ■ Pasmens, vos podèm ja anonciar que li seràn Nadau e lo Còr de la Plana e que cadun auràn
             sei convidats.
● Ajuda a l’organizacion :
Se volèm qu’aquesta manifestacion sigue la demonstracion de nòstra fòrça e un grand moment de
revindicacion, avèm besonh de l’ajuda de totei per que tot se debane dau mielhs possible e dins lei
condicions lei melhoras...
Per ansin, fa mestier sus plaça, lo 31, de personas per completar lei diferentas chormas d’organizacion
per ajudar :

  • lo matin, a la mesa en plaça dau vilatge occitan, l’acuelh dei expausaires e deis arrivants,
  • devèrs una ora e fins a la partença, a la formacion dau cortègi;
  • a assegurar puei un malhum de ligason (per telefonet) tot de lòng dau passa-carriera e lo regular,
  • completar lo servici d’òrdre,
  • etc...

Demandam a cadun, ais associacions, ai comitats locaus de prepausar de benevòles per
acompanhar lo debanament d’aquesta jornada en ligason ambé lei responsables de la Coordinacion.
Mercé de vos marcar (veire pj) e de faire virar l’informacion !
● Faire signar la Crida ais elegits :
Enfin, es tras qu’important tanben de recampar un maximum de sostens a nòstra accion e
revindicacion e de faire signar la Crida a de personalitats e de segur a totei vòstreis elegits (cònse,
conselhiers generaus e regionaus, deputats, senators), etc.
En pèça joncha la Crida de faire signar.
En fin de setmana, dins un corrier venent vos prepausarem un modèle de letra per leis elegits, de
proposicions de deliberacion per lei comunas...e autrei documents.
La lenga es l’afaire de totei ! Toteis ensems i arribarem !
Anem ! Òc ! Per la lenga occitana !

Banidièra Òc per la lenga